平殼與平女

在股票的世界，不時會有人問我﹕「喂，阿周顯，有無平殼賣呀？我有個老細，好疊水好堅既，如果你有平殼，佢即刻可以付錢買！」

通常對著這些人，我會沒好氣的答﹕「如果有平殼，我自己都買咗啦，幾時輪到你個老細？平殼就無嘞，貴殼就有，八億，你制唔制吖？」

他們通常會回答﹕「八億，你搶咩！」

我通常會回答﹕「我唔把價錢mark高，我賺乜？」

通常講多兩句，不歡而散，我當然不介意，因為我都懶得去招呼D笨人。

有人或許會問，喂，你話世上無平殼，但係好多人都真係買到平殼喎，在傳媒報導上，在股市傳聞上，都聽到好多這種故事吖。

對於這種問題，我的回答是﹕「在這個世界上，也有好多人上咗平的女，不過唔係我哋啫。」

平的女是如何上的呢？

第一是pre-IPO，即是在她上市前，已經溝咗先。我有幾個朋友，專溝學生妹，好多後來做咗港姐，做咗明星，或者是嫁入了豪門，當然是數以十倍的升了值。但是，學生妹唔識嘢，溝的代價自然是低很多。這好比你在上市前，已經買了期殼，先付了首期，自然可有大折讓。

第二是平時有交收開，例如說，你常常一千一千咁，耐唔中周濟下條女，如果她一旦有金錢需要，要「下海」時，第一個想到的對象，不會是她最有錢的朋友，而是最常有交收的朋友。這好比你是一個金主，專門借錢給殼主，借下借下，一直收著高息，到了最後，殼主周轉不過來，要賣殼了，自然賣生不如賣熟，你是他的第一順位。

不過，在「養女」的情況之下，一千一千的，如果沒有下文，錢是白花了，但如果是金主借錢給殼主，過程中還有貴利可收。不過，這兩者的成功率，也是十個只有一個。但如果有一百個客戶，就可以中到10個了。我認識一個「養女專家」，個個月都要花幾萬元在這身上，但個個月都有新女上釣，命中率是固定的。

第三是，你有好的龜公龜婆，常常把新貨介紹給你。這好比我有一些炒樓朋友，常常請地產經紀食飯，又送嘢、又抽奬，佣金永遠疏爽，經紀有最好的盤，自然第一時間交給他們。同樣道理，如果你對龜婆疏爽，一定有好多優質女人。所以，一個人要買平殼，另一個方法，是平時養落一大班corporate finance的sales，如果他們有好的殼，自然第一時間通知你。

所以，如果你在以後踫上了某位仁兄，要買平殼，你的答案應該是﹕「我有一個，不過你要醒我一皮嘢，我先至介紹你識。」然後你收了這一萬元，從此去如黃鶴，不見所踪，又或者是隨便介紹一個老千給他，點完一大輪便逃。反正對方都是混吉，不用同他客氣。

http://nextplus.nextmedia.com/news/spot/20160808/416908