著名證券界人物 靠周街唱散貨

【明報專訊】那天同一名莊家朋友講起，問他認不認識某位證券界人物，我說﹕「呢…身形都好巨型嗰個呢？」

他說，認識呀，同佢傾過一次刁，佢話有隻股票想打上去，將會1元打到3元，問我有沒有基金可以負責批股。

我很奇怪地問﹕「咁你有沒有幫他找批股？」

他說﹕「梗係無啦，我有基金，都批自己的股票啦！唔通會去批佢嗰啲，幫佢賺錢咩！」

我說﹕「呢條友雖然讀書唔多，又唔識英文，連文件都唔識睇，但喺社會混咗咁耐，份人精過鬼，絕對不會落無寶之地，佢叫得你出來，一定有陰謀，斷估不會請你飲茶咁簡單。」

欺騙盛名莊家 「教老竇生仔」

他說﹕「Exactly。你不妨猜猜，他的business model何在？」

我想了又想，搖頭說﹕「猜不到，你開估吧！」

他說﹕「他叫我出來，其實是講給我聽，他的股票會從1元炒到3元，如果我跟買番一兩百萬，他就贏了。就算我無買，如果有人問起，我照辦煮碗同人講，他都算是贏了。」

我說﹕「其實一兩百萬好少錢，他咁講，散得幾多貨呢？」

他說﹕「只要條友大喇叭咁去周圍同人講，日日講幾十次，十個有一個買，都有數圍啦！出三兩千萬嘢！又容乜易？」

我說﹕「咁你有沒有中伏？」

他說﹕「你當我係Robert？佢隻嘢咁貴，我梗係唔買啦！再講，佢講嘅嘢，我一句話都唔信，佢講出來，我就算手頭本來有貨，都要去沽啦，仲買！」

我們的結論是﹕其實這種手法，也沒有什麼特別，但是用這種手法去欺騙一個享負盛名的莊家，卻未免太過……這叫做「教老竇生仔」。

[周顯 投資二三事]

http://www.mpfinance.com/fin/columnist2.php?col=1463481127012&node=1470597800315&issue=20160808