李生，乜你今日又嚟呀？

在你的一生之中，曾經遇到過最尷尬的事情是甚麼呢？

有一次，是很多很多年前的事了，有一個堪稱是溝女大王的朋友，找上了我，問我﹕「你有無辦法找到黑社會，為我打一條友一頓？」

我奇怪說﹕「你雖然為人火爆，但都好少嬲到要打人一身噃，條友係邊個，邊度犯到你呢？」

他說﹕「咪就係九龍城間泰國餐廳個老闆囉，有日我同條女去食飯，點知佢當面同條女講，話我成日溝女，帶人來吃飯，叫她千祈不要被我呃到喎。畀著你，你話慶唔慶吖？」

我大笑，不過都無幫佢揾人揼泰國菜館條友，費事為左幫朋友而自招麻煩啦。不過，呢個朋友當然溝唔到嗰條女啦。

幾年前，又有一次，有條友同個啱啱出道的明星仔(現已成為女神了)去跑馬地按腳，點知個按腳師傅同條仔講﹕「老細，我認得你呀，你成日帶女仔來呢度按腳家嘛！」

那條友事後對我說﹕「我最慶就係，我明明是帶第二D女去第二間按腳，家陣已經特登改去了這一間，所以呢條友係亂屈，但我又無辦法！」

結果，那位按腳師傅當然沒有收到貼士，但至少沒有被人打一身。不過，呢個friend亦當然溝不到那位女神，但女神後來交了不少男友，也不在話下。

但最經典的一個故事，則是很多年前，我有一個朋友，帶了一個新識的女友去九龍塘爆房，那位門房見到我的朋友，很恭敬地打了個招呼﹕「李生。」

所以奉勸各位餐廳服務員一句，有時候，話不能亂說，否則會飛來橫禍。如果見到客人和不同的朋友來光顧，甚至不適宜說﹕「老闆，乜你尋日來完，今日又來？」

上星期發生了股災，今星期應該未回復，所以股票貼士暫停，謝謝讀者閱讀本文。

http://nextplus.nextmedia.com/news/latest/20160801/415213