莊家也有北喬峰南慕容

【明報專訊】前幾天有人同我說，香港有兩大莊家，好像北喬峰、南慕容，也稱「北乜乜，南物物」，他問我：同阿南物物做刁，好唔好呢？

我說：「呢個人，如果你同他做刁，最終後悔的一定是你，他會首先放一條貴利給你，好像苗人種蠱毒，等你永遠聽他的話，痛不欲生。」

他恍然大悟說：「唔怪得佢話借一億幾千萬過我，打本畀我做生意啦！」

他想了一想又問：「咁我同阿北乜乜做刁，會唔會好啲呢？」

我說：「過程肯定舒服得多！你會一直好開心，直至死前一刻，還在為他數錢！」

在同一天，我又和某位法律界名人講起這兩個人，對方問我對他們的評價。

我說：「阿南物物，會當你係傻仔，講一啲雞話，去企圖呃你，行家當然不會被他呃到，但個心會好唔舒服，因為你會覺得他在侮辱你的智慧，講啲咁蠢的大話，所以行內人都不喜歡他。不過，雞話可以騙到行外人，也並非全無作用。但阿北乜乜就高明得多了，名牌大學畢業，精通法律，是典型的金融精英，你同佢交手，必輸無疑，就算是鬼佬的高手，也一個個被他殺到大敗，所以，如果他要呃你，一定是一個很sophisticated的計劃，令你死也死得甘心。」

法律界名人說：「唔怪得我同阿南物物咁傾唔埋，同阿北乜乜就好啱傾啦。咁你呢？」

我說：「我就梗係喺呢兩個人的身上，都刮到錢啦！雖然是刮到啲神砂，但都算是好巴閉架啦！」

[周顯 投資二三事]

http://www.mpfinance.com/htm/finance/20160425/columnist/en30_en30.htm