信金錢教做金絲帶

那天同人說起黃絲帶和藍絲帶的分別，我說：「黃絲帶是帶頭的人收了錢，然後慫恿沒收錢的人去做事，但藍絲帶則是工作的人收了錢，不過帶頭的搞手卻是貼錢做嘢。」

那人說﹕「吓，唔係啩！貼錢做嘢都有人制？」

我說﹕「係呀，唔通阿公會畀錢出嚟咩？佢只係叫你叫幾百人去，咁條友又叫唔齊人，惟有畀錢叫人去做媒囉。」

那人說﹕「如果係咁，你寧願做藍絲帶定黃絲帶呀？」

我說﹕「做藍絲帶啲阿頭，要貼錢去擦鞋，我梗係唔制，做藍絲帶的散仔，又係廉價勞工，搞咁耐袋幾百蚊，制唔過。做黃絲帶，自己做義工，搞手就出風頭同袋錢，都係唔化算。那人說﹕「咁做黃絲帶的搞手呢？」

我說﹕「呢份工，要有好多年相關工作經驗先至做得來，再講，呢啲高危工作，隨時拉人封艇，仲大鑊過在福島核電廠工作，都係制唔過。」

那人說﹕「所以……」

我說﹕「所以我是金絲帶，信的是金錢教，信來信去，都係信呢個教最實際。」

https://hexapost.wordpress.com/2015/10/24/%E3%80%90%E5%91%A8%E9%A1%AF%E9%9B%9C%E8%A8%98%E3%80%91%E4%BF%A1%E9%87%91%E9%8C%A2%E6%95%99%E5%81%9A%E9%87%91%E7%B5%B2%E5%B8%B6/