暗黑幣女王落網記

暗黑幣是和比特幣差不多虛擬貨幣，英文叫「Darkcoin 」，現在則叫「Dash 」。我看網上資料，說這是全球第4大的虛擬貨幣。

我認識的幾個炒鬼朋友，都在內地炒過暗黑幣。我說：「嘩，個名咁邪惡，都有人肯炒？」

炒鬼朋友說：「個名越邪惡，越多人去炒。你都唔知，在大陸，有幾多人沉迷其中，大家都說暗黑幣好過比特幣，大搞傳銷，果個暗黑幣女王，一年之間，至少賺咗幾億銀。」

我說：「有無咁多呀？暗黑幣又唔係佢開發既，點賺到咁多錢。」

炒鬼朋友說：「佢手頭根本無暗黑幣，啲客人存錢入佢個戶口，去炒賣暗客幣，咪受晒啲客啲錢囉，同個客對賭啫。」

我說：「如果啲客提錢，或者提暗黑幣呢？」

炒鬼朋友說：「啲客要提錢或提貨，咪由佢地提囉，只要存入的錢多過提款，就只會越做越大。佢哋仲狼到自製了一個暗黑幣官方網站添。」

我說：「個暗黑幣女王咁發，不如叫佢來香港，買返隻殼啦，我做中間人，賺番個佣都好。」

炒鬼朋友說：「你已經無機會了，她已經被捕了幾個月，看來都無得放出來了。」

我說：「唉，在大陸搞非法金融，是要打靶的。」

炒鬼朋友說：「公安捉了她之後，淨係日日要她交代，要交代乜，對方又唔肯講，而家佢已經乜都講晒出來，錢都講晒喺邊度，但仍然未知落案告啲乜，親人又唔准探，淨係可以見律師，每天只吃四個饅頭。佢話呢啲生活，死咗好過。」

我問：「佢咁有錢，在監獄會不會有點優待？」

炒鬼朋友說：「而家無人敢收賄，在這些重犯的監獄，囚犯幾乎全部都要打靶，或終生監禁，錢對他們，已經沒有作用，所以他們所爭取的，不是錢，而是睡得舒服一點，厠所去得爽快一點……如果你去屙夜尿，屙完之後，你的床位已經被人霸佔了，只能睡地下。」

我嘆氣說：「所以在中國，千萬不要犯法。」

下星期繼續炒「前進控股」（1499），希望它繼續再破新高。

http://nextplus.nextmedia.com/columns/%E8%82%89%E9%A3%9F%E4%B8%AD%E7%92%B0/20151012/279336