陸客買殼未成 冇得殺訂

【明報專訊】有一宗驚天動地的大案，有高人曾經向我指點，推測此事可能同賣殼有關。他說，對方先付了首期，點知遇上了股災，對方付不出尾數，咁梗係殺訂啦。

我說：「我都看過通告，對方已經收了一部分股票。咁都唔算完全殺訂，有番啲。」

他說：「但係買殼變咗做小股東，股價又不停跌，都大鑊啦！」

他估計是因為這個原因，所以買家要來尋仇，拿回本金。這位仁兄的說法是：「你知啦，大陸佬無殺訂呢回事家嘛，刁做唔成，咪退訂囉。」

我說：「咁遇上股災，都可以話係天災人禍，不可抗力，可以用這個理由去取消交易嘅。」

唔慣被斬倉 喊打喊殺

大家其實都係估估下，都唔知係唔係事實，我都將這個可能性告訴了傳媒，不過不知他們有沒有報道出來。誰知案件發展出來，條數居然同那批股票的買價是脗合的，我唯有佩服那位朋友是神算子托世。

我問他：「乜大陸佬無殺訂呢回事嘅咩？」

他說：「不但止無殺訂，仲連斬倉都無。我有個朋友，開股票行嘅，好幾年前，有大陸佬買嘅股票跌咗落去，咪斬佢倉囉，結果他走上來，喊打喊殺。」

我想了一想，說：「以前大陸無按倉做孖展，可能唔慣被斬倉啦，不過呢味嘢，斬斬下就慣了。」

[周顯 投資二三事]

http://www.mpfinance.com/htm/finance/20151030/columnist/en30_en30.htm