跌市的莊家部署

股市不停暴跌，莫非真要像某位朋友所說，要穿一穿兩萬點？總之我識得的幾乎所有莊家，都已經繑埋手，完全唔做嘢。但居然有一位仁兄，佢炒一隻新股，仲慢慢攀升，好似唔識得跌咁。我問︰「喂，你咁炒法，無魚上釣㗎噃，有乜嘢business model？」他說︰「車，趁而家市弱，我炒高十幾廿倍先，炒返到一、二百億市值，到得個市好返，人哋炒緊股票嗰陣，我已經散緊貨了。」我說︰「不過跌市逆炒，成本好高。」他說︰「第一，我大把錢，使乜驚跌市？第二，成個跌市，得我一個炒，全城集中關注一隻，可能仲勁呢？」讀者一定很關心這股票號碼？我只能說，唔講得，因仲收緊貨，據說要榨乾到剩返五千萬股街貨，先至真正大炒，而家只是起步咋。

周顯 (逢周二、五見報)
資深投資者，著名股評人，股壇教育家

http://www.metrohk.com.hk/index.php?cmd=detail&id=292038