男女關係的階級因素

我在本欄的一篇文章指出：「 女人多半淺薄，一架名車，可以溝多好多好多女，尤其是住在大西北，屯門、元朗的女，沒有見過世面，分不清California和488的分別，而這些淺薄的女，佔了女的大部分，因此，2009年的California還是很有用很有用的。」

此文當然是引起了不少女性認為我是歧視，不過，本人和本欄向來有這種風評，我也從不否認自己的偏見和歧視，不過，有一個作者的評論，卻引起了我的注意﹕「香港有冇呢啲女人？點會冇，不過唔一定喺所謂嘅大西北 曾經有人做過實驗，搵個身光頸靚嘅男人，揸架林寶堅尼Gallardo通街兜截單身靚女，試下引唔引到佢哋上車。先講吓啲個實驗背景，係大約3年前做嘅，當時Gallardo已經係「舊款」，因為新款Huracan已經面世；另外，個男人總共嘗試向8個女仔搭訕，當時全部都係單身一人行緊街。好嘞，咁啲測試對像（即係班女）係咪真係咁「淺薄」，全部唔識分新車舊車呢？照畫面睇嘅就情況似係，因為當個男人撳低車窗主動向佢哋搭訕，問佢哋有冇興趣飲杯嘢，8個女仔之中有7個幾乎係毫不猶豫咁就開門上車，只有一個拒絕 」

問題在於﹕測試的地方究竟在哪裏呢？

答案是﹕「結果中環啲女成功上車嘅比率高達85%！」

作者的解說是﹕「呢兩個例子說明，一個人要淺薄起嚟，真係不受地區限制，你識蒲老蘭英文嘞嘞聲又如何？咪又係見高拜見低踩；相反，你住屯門元朗，亦絕對唔代表你冇見識或做人淺薄。大佬，你估而家新界仲係養牛耕田咩，香港都已經細到咁，仲分咩大東北大西北，屯門元朗一早已經係市區，有鐵搭有樓炒，如果仲有人以為稍為有個錢就可以魚肉新界女人，我強烈建議佢揸埋架法拉利入去開吓眼界，包你多幾條拉花出番嚟。」

對於這意見，我的回應是﹕「你不如問下這些在中環和老蘭蒲的女人，究竟是住在哪裏，才下結論啦。」

對，我是一個馬克思主義者，相信你的階級決定你的行為。這當然有例外，皆因社會科學只能在統計學上成立，但世上永遠有特殊個案，不足為訓，只要在統計學上贏了大數，理論便是正確。

查實，男女關係，除了生理因素之外，還有社會因素和階級因素，所以，王子、公主、貴族、富二代，永遠是最吸引人心，男女關係，同時也是虛榮感，所以富豪花了偌大溢價，去包明星，只是為了炫耀，而不是為了女人本身，挑對象的一大重要原因，是為了對方會否令到你有面子，抑或是丟臉 嘴巴罵我吹牛的人，心裏都知我說的是事實。

本周不炒細價股，抽新股，根本沒有研究，盲中中亂抽，都應該有60%以上的勝算。

http://nextplus.nextmedia.com/columns/%E8%82%89%E9%A3%9F%E4%B8%AD%E7%92%B0/20171127/561126