組黨參選亂玩一通

那天同渾水一班人吹水，說起參選立法會只需付出5萬元保證金，得票少於3%者，保證金會被沒收，我說，其實這好抵，因為有好多出鏡機會，只要完全不做選舉工程，只參加電視辯論，就一定贏晒，因為乜都唔使做，只是白蝕5萬元啫。最衰我有外國護照，剩係可以參加功能組別。

我說，如果渾水組織一個政黨，就不如五區各派一人，不，各派幾人參選，咁先至有氣勢。但參選究竟用甚麼政綱好呢？渾水當然是本土派，但我說，其實香港有一個政綱，沒有人敢提的，就是要求中國馬上收回香港，撕毀基本法，取消一國兩制，因為而家香港仲衰過大陸，所以取消一國兩制可能仲好。渾水說，咁你即係擺明搞事啫？我說，梗係，反正都選不到，倒不如亂玩一通，咁先至過癮。

https://hexapost.wordpress.com/2015/12/06/%E3%80%90%E5%91%A8%E9%A1%AF%E9%9B%9C%E8%A8%98%E3%80%91%E7%B5%84%E9%BB%A8%E5%8F%83%E9%81%B8%E4%BA%82%E7%8E%A9%E4%B8%80%E9%80%9A/