何為巿場力量？

【明報專訊】日前有一隻新股，超額認購了好多倍，我研究了很久，大有信心，甚至寫了出來推介，認為必然大升。但我卻並沒有買入，為什麼呢？

皆因這股票超額認購的倍數實在太多，回撥了40%，手花散晒。通常，在這種情况之下，莊家會收貨幾日，收番一部分貨，先至再向上炒。咁我就梗係等幾日先，慢慢趁低吸納啦！

誰知在第二日，股價已經猛升，升完又升，我遲了起牀，已經買不到了。我心裏當然媽媽聲，沒兩天，我碰到了莊家，馬上向他套料﹕「喂！你隻嘢唔係好多街貨㗎咩？點解升得咁勁嘅？」

他苦笑說﹕「我都未收齊貨，隻嘢已經market force炒咗上去，𠵱家手上啲貨不多，唔知點算好。」

我說﹕「咁你咪沽番轉頭囉！」

他說﹕「個市咁旺，profit咁少，咁我又唔順氣呀！」

莊家不沽貨 買少少都爆升

幾小時後，我同另一人講起這件事，她說﹕「Market force有無咁勁呀？炒高隻股票一倍以上？」

我說﹕「Market force係無咁勁，不過如果個莊自己收番一部分貨，再加上market force，兩道力加起來，就可以好勁。」

其實，好多時我買股票，一買幾百萬元，已經足以掃高股價一成兩成，很奇怪，只要我掃高一成，很多時就有其他人跟買，通常會再炒高大約一成，然後股價才會慢慢回落。我初炒股票時，一位老行尊對我說過﹕「你小量小量的買入某股票，只要莊家不沽貨，你不用買上太多，股價都會爆升，這就是市場力量了。」

[周顯 投資二三事]

https://www.mpfinance.com/fin/columnist2.php?col=1463481127012&node=1508786740776&issue=20171024