富二代間接受惠辣稅

【明報專訊】有律師朋友告訴我一條省掉特別印花稅的方法，就是成立一個信託，受益人是自己的剛出生嬰兒子女，自己則是託管人，代簽一切文件。由於子女從來未買過樓，因此不用付特別印花稅。

他說﹕「只要你在他成年之前，把房子賣掉，便神不知鬼不覺，無論賺到幾多錢，都可以袋袋平安。」

我問﹕「子女不可以追回賺到的錢嗎？」

他說﹕「理論上可以，但如果他從來不知道過有這宗信託，又怎會知道去追錢呢？」

我嘆氣說﹕「有錢人的花款真多，只可惜我沒有子女，無法用這一招了。」

有富豪朋友聽到這故事，馬上說﹕「吓！乜BB仔都可以買樓㗎咩？」

我說﹕「可以㗎，他信託畀你暫管囉！」

富豪朋友說﹕「咁我即刻買番間豪宅畀我個仔先。」

我說﹕「你唔係想用個仔賺錢呀嘛？」

富豪朋友說﹕「唔係，不過𠵱家難得發現了新人頭，唔用來買樓好笨啫！我仲想同個女買多間豪宅𠻹！」

成立信託 借用子女人頭買樓

然後我同他講，某位朋友輸了股票，想廉價出售房子。他說﹕「唔係我唔想幫他，而是沒有人頭，無可能畀15%稅啊嘛！咁啦，我借錢畀佢，收平啲息啦！」

所以說，現時的買家，是由特別印花稅控制。我認識的富二代，個個都有樓在手，無他嘅，多個人頭啫。因此也不妨說，特別印花稅的最大受惠者，是富二代。

[周顯 投資二三事]

https://www.mpfinance.com/fin/columnist2.php?col=1463481127012&node=1507661767423&issue=20171011