亂吹二四六策略的缺點

在這個世界上，很多人的「經營模式」，就是亂吹二四六，我認識好幾個朋友，都是這樣。

其中有一個，我們只是玩樂的朋友，大家一起打打牌，吹吹水而已。當然了，在打牌吹水期間，也會談及生意經，他提起的生意，單單都幾百億元，今日同阿拉伯王子、明天同澳門大地主、後晚同A股最大莊家，諸如此類。

當然，這個人也不是窮人，都有一啲上市公司嘅，不過日日撲水，大家都是八卦公，雖然他有錢與否，與己無關，也難免懷疑他的實力。有一次，此人和另一位大老闆談生意，我當中間人。他說：「呢單嘢好多人吼住，都想入股，o依家找你投資，明益你啦。」大老闆說得很妙：「無功不受祿，明益就唔好啦，不如你揾人哋做啦。」

查實誰都知道，這位仁兄當時是財困，大老闆事後對我說：「我仲諗住幫下佢添，點知佢咁口硬，話要益我添，咁我惟有推咗佢囉，對唔住，令你無咗個佣。不如咁，我畀隻股票你買，包你賺嘅……（下刪幾十字）」

再查實，這位大老闆是鳳凰不落之輩，最希望聽到的對白是：「老闆，你唔救我，我就死o架啦，總之你開乜條件都好，你話乜就乜啦。」任劏的死魚，永遠比吊起來賣的鹹魚更受歡迎，因為可以任開價，才是老闆賺大錢的機會。

又有一個朋友，老是將朋友的故事，當作是自己的。他去一間餐廳，如果是朋友開的，就會說是自己有份；有朋友炒股贏了幾億元，他就說是自己贏的，所以，不知情的，往往以為他有幾百億身家（未開頭）。

有一次，他和一夥新客戶談生意，他說剛剛輸了十幾億元，輸了十幾億元而面不改容，這比賺了十幾億元更加威猛。但有commentator對這故事的詮釋是：「你話嘞，如果對方聽見你剛剛輸了十幾億元，他們會想同你合作做世界，還是想在你的身上贏番返三五個億嘞。」我反問：「然則他應該點講才最好呢？」他說：「梗係攤開嚟講，說我o依家是老千，大家一起去研究，如何揾街外錢啦。」

這好比我又有一個朋友，天生靚仔難自棄，溝女無往而不利，後來買了一架「波子」，本來以為更加如虎添翼，誰知靚仔揸靚車，溝女之時，條條女都叫他去富豪飯堂食飯，到手前和到手後，也要他大送禮物，名牌手袋之類，令他的支出大增。

為甚麼會有這個情況呢？皆因一個搭的士的靚仔，女仔跟他在一起，已早知其「回報」。但是一個揸波子的靚仔，女仔難免有期望，不斬番一筆，都對唔住父母姐妹啦。簡單點說，有時候，充大頭鬼，亂吹二四六，反而不是最優策略。但這一招，對付那些低下階層、無知婦孺，倒是萬試萬靈，但也僅限於低下階層和無知婦孺而已。

http://eastweek.my-magazine.me/main/61092