個市太差 講吓食魚

朋友Alan是個銷售專家，客戶到他的手裡，無不一一受戳，現金花盡、信用卡碌爆、樓宇加按，簡直是如入無人之境。我們相交多年，不久前，他說認識了一位我的忠實讀者，除了喜歡看周顯大師的大作之外，還喜歡到大海中釣魚，其所釣的魚，條條都幾呎長，食都食唔晒，唯有挑出最靚的幾條，三、五日便來孝敬周顯大師。
所以，在這些日子，每隔十天、八天，便送來幾條大魚，你話我點食得晒，唯有開party請客，仲要攞落餐廳去煮添，真的是頭都大埋。不過無論如何，多謝晒Alan同他的朋友啦。
點解無啦啦，唔去講股市，卻要講食魚呢？因為個市實在太差，根本無市可講，股票也無得好炒，咪唯有講吓飲食囉。唉，討論區話齋：畀返啲錢我呀！
--------------------------------------------------------------------------------
（全文刊於9月7日出版的 ‪#‎香港投資日報‬）