亞煤太殘 踢上成本價

在今日的股市，相信都無乜人出來做嘢，難得有一個人伸個頭出來，炒返一轉嘅，真的是有如久旱甘露，就算只有一滴，都係咁甜嘅。

剛剛就是收到了風，講隻「亞洲煤業」(835)，線人的說法是：「其實都唔算炒，只係股價太低，想做返好少少啫，你千祈唔好咁大期望喎。」
呢隻股票我知，個莊的成本價都要0.13元，咪就係3月份時批股嗰一手囉，交易所公告都見到啦。呢批貨，幾乎都未散過，大市已經跌咗落嚟，家陣0.1元呢個價，連成本價都未到，班友好梗係坐得好唔舒服啦，如果畀着我，肯定嘈到拆天，炒蝦拆蟹都出齊。
所以，要將股價打返上去成本價樓上，都係好正常的事，我都理解既，等大家坐得舒服啲，咁再等下去，都無等得咁㷫，怨氣都無咁重吖。

周顯 (逢周二、五見報)
資深投資者，著名股評人，股壇教育家

http://www.metrohk.com.hk/index.php?cmd=detail&id=289579