斷供女人哀鴻遍野

根據周顯大師的理論，在經濟蓬勃時，越是奢侈的消費品的價格上升得越快，例如Birkin Bag的價格上升速度，便高於超級市場老百姓個個要買的泰國白米，藝術品的升值速度更加是以百倍來計……但在經濟不景時，高級消費品的下跌速度也是跌得最快，其中排在前列的，莫過女人的價格。

是的，一個男人收入減少時，第一個要cut的項目，梗係cut女先啦，這是常識吧。所以，當遇上現在這種大熊市，斷供的女人登時在市場湧現，很多大把現金的朋友，便去續供，好像接accumulator咁，接貨接到手軟，不在話下。

話說有一個朋友，他亦把一位小明星斷供了，其實一個月都係幾皮嘢啫，他個個月簽卡都簽三幾十萬元啦，不過，也許這位小明星已經不能繼續帶給他marginal utility了，所以便乘勢cut女。這好比散晒貨的股票，本來還頂住股價一陣，但當遇上熊市時，便放手任其free fall了。

同朋友講起這件事，我的評語是：「一個男人，最重要的是出糧給伙記，和畀家用屋企人，這是唔食飯都要做的，當環境不好時，門面嘢當然要做，唔通我cut咗個司機，自己去排隊交費咩，又唔通唔去福臨門食飯咩，唔去social，就無商機，這是必要的支出。但是，食嘢就梗係就住叫，唔通仲去叫隻鮑魚，魚翅浪口咩，炒碟飯叫碟菜叫個例湯咪算囉。不過，花天酒地梗係可免則免啦，至於條女，就算幾咁唔鍾意，priority應該在花天酒地之上吧。」

朋友說：「估唔到你咁悲天憫人噃。」

我說：「養條女，好似養隻寵物咁，你都想佢善終吖。就咁斷供條女，就好似掟隻寵物出街，好殘忍噃，呢個人，唉，我都唔知點講好！」

朋友說：「咁即係點？」

我說：「就算斷供，都要畀返幾個月掟煲費，等對方有個緩沖期吖，話cut就cut，好唔人道啫。」

朋友說：「莫非這就是包女的善終服務？」

我說：「唔係，呢啲係包女的社交禮儀啫。」

今星期的心水股票是「香港建屋貸款」（145），看它在上星期五有異動，相信本周會繼續炒下去，祝大家好運！

http://nextplus.nextmedia.com/columns/%E8%82%89%E9%A3%9F%E4%B8%AD%E7%92%B0/20160201/345151