地主新一代唔同玩法

【明報專訊】前兩天，同某君吹水吹到幾名超級富豪家族送禮給中方官員，原來分為兩派，一派是單付出，不要求回報，他說﹕「所以盤根錯節，都好難打破他們種下的善因。」（按﹕當時我們是講起「鬥地主」，我在先前提起了一個學術問題﹕「究竟有沒有可能在香港搞鬥地主呢？」）

至於另一派的做法，則是每次付出，都會要求即時回報，只是暫時不知他們有沒有用相同態度，去對待港方官員。（按﹕有港府高官曾經因為接受利益，因而坐牢，並不在此次討論話題之列。）

我奇怪地問他﹕「唔係噃，照計阿某某嗰一系，一向好識做，送禮從來不手軟，無理由要講究績效㗎噃！」

不跟隨上一代送禮做法

某君說﹕「個老豆係咁啫，個仔唔一定跟隨㗎！」

我說﹕「咁又係，以前我每逢過年過節，都會收到禮物，雖然禮物包都是cheap嘢，我統統送晒畀人，但都叫做一番心意，罵他們都忍手點，但這幾年，已經無收嘢了，只是都叫做同枱食過飯，費事無端白事郁他們啫！」

然後我們又講到其他同地產商利益有關係的人，他說﹕「其實本土研究社一個月支出都要十幾萬元，你認為有無咁多眾籌呢？」

我大笑說﹕「或者真係好多有心人呢，你又知？不過話時話，某教授引用學術論文，可以只引中間一段，然後得出同論文結論完全相反的結論，都有大把人buy啦！在這個年頭，只要掛着民主招牌，就算學術上亂噏，都有55%的人支持！」

就好似幾十年前，只要掛着XX黨的招牌，就算是土匪，都可以做高級幹部，男人只要靚仔，就算係人渣，都大把女鍾意，世界就係咁，你吹咩！

[周顯 投資二三事]

https://www.mpfinance.com/fin/columnist2.php?col=1463481127012&node=1531162951931&issue=20180710