港股處「禁室培慾」期

【明報專訊】有一名生命力強勁如蟑螂的莊家，在2012年股市最衰的時候，可以做些莊仔，炒番一千幾百萬貨仔，賺番一百幾十萬茶煙飯。到了這兩年，股市大旺，他一年炒幾十隻細價股，佔了market share接近一半，可以說是當今世上最為旺場的莊家。

但在上星期，他不禁向身旁的人吐苦水﹕「個市完全無浮力，一條街魚都無，什麼股票都炒唔到。」於是，他唯有全線暫停工作，去玩。

大市見底 成交未見底

現在正是熊市第三期，根據我寫的定義，就是指數已經見底，但成交未見底，長期徘徊於低成交，買賣兩閒，也即是我在某篇文章所說的「禁室培慾」時期。

在討論區，也有看到這樣的一段po文﹕「今日由股票戶口抽番一半錢出黎……」，其他網民的回應是﹕「唉！無心機玩啦……」、「有無人同我一樣，我今日都沽咗60%出嚟！」、「唔係輸到唔想玩，係見港女一池死水無晒方向心灰意冷啫！」

在股市見底的時候，好多莊家已經停晒手，想做番嘢，但在這幾天，則又出現了另一浸的莊家出貨潮。其實，莊家也不是認真想出貨，只是不想接貨啫！不過，每逢個細價股市到這個狀况，反而有很多平貨可執，只看你選不選得到而已。

[周顯 投資二三事]

http://www.mpfinance.com/htm/finance/20151130/columnist/en30_en30.htm