為何女子不可越軌

日前，小資女「少女股神」張蓉蓉在本報的專欄提出了一個問題﹕為什麼男人出軌好似理所當然，但點解男人就不能接受女人出軌呢？女人為什麼都顯然被現今社會同化了去接受呢？一位朋友答道：「因為男人會養女人囉！」我說： 哪如果那女人經濟獨立呢？ 他說：「咁就唔同講法。」我又說：「那就能接受帶綠帽子？」他又神回了：「不行！」

現在且讓周顯大師去回答這個問題﹕

首先，男人養女人，點養先？一個月畀一百萬零用，和一個月付一皮嘢家用，包埋交公屋租金，同埋幫仔女交學費，兩種又唔同講法。女人是糟槺之妻，還是嫁個富二代，甚至是富一代，又有唔同講法。如果雙方經濟獨立，咁就當然係兩個都唔應該出軌啦。最後，是我最喜歡講的例子﹕我最喜歡亂過馬路，但揸車最憎人亂過馬路，我最憎埋單，但最中意人哋請食飯，我最自私，但最憎人自私，所以我最鍾意滾，但最憎條女去溝仔……好多人都係咁諗，有乜出奇啫。

https://hexapost.wordpress.com/2015/11/29/%E3%80%90%E5%91%A8%E9%A1%AF%E9%9B%9C%E8%A8%98%E3%80%91%E7%82%BA%E4%BD%95%E5%A5%B3%E5%AD%90%E4%B8%8D%E5%8F%AF%E8%B6%8A%E8%BB%8C/