「傾緊」賣殼 算不上好消息

【明報專訊】星期二那天早上，同朋友交流市場心得，他說近來市場活動趨多，像你以前講過的那隻恒寶企業(1367)，昨天(按﹕即星期一)炒了一轉，都係炒賣殼概念啫，其實都唔知傾唔傾得成，不過見個價低，就畀人乘機執一劑，炒番轉了。

我說，如果講「傾緊賣殼橋」，家陣最少有二三十隻「傾緊」，傾之嘛，又唔係一定成，其實一個殼股老闆，一個禮拜最少同人傾幾次賣殼啦，算乜好消息啫！

不過，最無辜的是，上個星期前某隻殼股喪炒，有人質問我，是不是我「偷跳」了。我苦笑說，我都好想偷跳，不過你隻嘢日日幾萬元成交，我都無可能買齊貨，點跳呀？

朋友想想，接納了我的證供。

經濟差 服務業水準反提高

那天去富聲食飯，食物水準明顯高了一皮……嗯！我是說本來已經很不錯，現在還再高出了一點點。沒幾天，去太平館，食物水平也高了一點，至少餸菜多了，食物熱了，這是客觀因素，錯不了的。

當然了，另一個客觀的因素，是食肆的顧客少了，這也是有目共睹，有口皆「悲」的。

所以說，有時候經濟不景，最少可以令人做事更加用心，可以令人知道，以前所擁有的東西是多麼的可貴……吓！我幾時變成了說教分子？

[周顯 投資二三事]

http://www.mpfinance.com/htm/finance/20160310/columnist/en30_en30.htm