【明報專訊】這幾天，股市急轉直下，輸到大家面無人色，難得梅偉琛還有心情出外遠遊散心，皆因他已把部分股票套現，手頭現金是八位數字。對！你沒看錯，是八位數字，而且他還剛剛買了一部豪華版的七人車添。有咁嘅實力，就乜都唔使怕啦！
至於我，在星期一的當晚，本來有一個賭局，設在蘭桂芳，我心諗，近來窮窮地，都要賭多啲錢，贏番啲使用返嚟，幫補家用。誰知晚上十點，我打電話給host，他說，道指跌一千點，成班友仔無晒心機，賭局call off。
道指插千點 牌局要取消
跟着我就打電話給其中的一名賭仔，同他說﹕「你唔使擔心噃！衣家咁嘅情况，美國加息的機會是接近零，中國再度出手救市的機會，是接近100%，希望在人間嘛！」
誰知他說﹕「唓！我都無股票喺手，都無驚過！」
我說﹕「咁你就happy啦，睇住成街血流成河。」
他說﹕「咁又唔係咁講，以前好似印銀紙咁贏錢，衣家無得贏，已經當輸了。」
我心諗，你個死仔包，咁串，信唔信我打一二三四五六你，不過口中卻說﹕「好耐無一齊食飯，不如星期四聚聚好喎。」
結果約了宵夜，皆因我有兩個friends剛買了遊艇，要請我上船玩，只是40幾呎的小船啫，不過要在船上食埋飯，所以只能去吃宵夜。
所以說，在這個股災中，還是有不少贏家的。
[周顯 投資二三事]
http://www.mpfinance.com/htm/finance/20150826/columnist/en30_en30.htm
沒有留言:
發佈留言