熊市方見真功夫

【明報專訊】那天同不炒股票的朋友陳凱文通電話，我說，其實我最憎股市大升，因為只要股市平穩，不大升也不大跌，我時時都有錢揾，長揾長有。但如果股市大升，意味好快也會大跌，反而會死好一大段時間，連累我也死了，就像現時的情况。

我說：「當大牛市時，就算是最茂利的茂利，都可以賺錢，而且是賺好多好多錢，因為他們夠勇嘛，我反而太保守了，賺得沒他們那麼多。」

正如我的一位莊家朋友，上年炒了42隻股票，他在熊市時，完全無莊家落場，也沒有什麼散戶的時候，都可以隻隻執幾百萬，少吃多餐。他也最憎牛市三期，他的說法是：「在牛市三期，那些唔夠水平的莊家都出來揾食，分薄晒市場的錢，反而不及衰嗰陣時，市場得我一個揾錢，仲爽！」

牛三多莊家 分薄市場資金

話說股災發生了幾日後，他很輕鬆地說：「呢幾日雖然揾唔到錢，但係股價落咗嚟，同啲殼主傾刁，他們的開價都低晒啦，仲好做過以前𠻹。反而先前股市咁好，個個殼主獅子開大口，只有傻的莊家，先至會去接呢啲生意。」

這好比我常說，如果我是李嘉誠，一定會有啲唔順氣，點解我叻過其他地產商咁多，但其他人都可以賺到咁多錢呢？因為搞地產，他可以把成本壓到最低，例如改變土地用途，控制低廉的建築成本，而且他玩貨如輪轉，他的競爭力是最強的，如果遇上熊市，他將會是最遲倒下的一間。

但是，當遇上樓價的大牛市，那些囤積居奇，不賣樓等樓價升，不計成本，貴買更貴賣的發展商，都可以賺大錢。所以，當樓價開始下跌的時候，才會見到李嘉誠的真功夫……不過，大家也必須要記住，當熊市三期來臨時，就無論邊個，幾叻都無用！

[周顯 投資二三事]

http://www.mpfinance.com/htm/finance/20150814/columnist/en30_en30.htm