有朋友向我介紹新招股的怡益控股(1372)，他說﹕「我自己都入幾十萬元。」
我問他﹕「有無內幕貼士先？」
「無。」他說﹕「我只是見它集6000萬咁少，細細隻，鬼鬼祟祟的什麼宣傳也不做，咁神秘，好似唔想人入飛咁，所以我才入飛，博一博！」
我二話不說，馬上入飛180萬元，朋友嚇了一跳﹕「入咁多？我都係入幾十萬咋。」
我說﹕「你介紹，我放心，我想入足頂頭槌，入盡都係300萬銀！」
朋友說﹕「你係得，贏了，你請飲茶！」
日前去置地廣場買，原來有抽獎，買5000元才抽一抽。我去到抽獎地點，嘩！門高狗大，富麗堂皇，嚇了一跳，三四個人服侍我，簡直是帝王級招呼。於是我很關心，抽的獎是什麼呢？
答案是﹕一支香檳，放了在櫥窗。，有無搞錯，這裝修，這人工，買幾十支這種香檳都得啦。我購物的數額，都夠買幾支，點抽得落手呀？
電子抽獎 絕不可信
然後，職員拿出一台iPad , ？原來是電子抽獎，任你講中唔中都得啦！幾十年前，人們為了防止出千，已經懂得用白鴿來抽白鴿票，馬會都用攪珠啦，電子抽獎早就被認為絕不可信，今日竟然還有人在用？你當我傻？
結果當然是抽不中了。
[周顯 投資二三事]
沒有留言:
發佈留言