朋友鍾仔是個大業主，一個月收租過百萬元，這幾十年都腳，唔使做，剩係打過幾年風流工，收幾皮人工，不過，這份風流工的銜頭是「副社長」，也即是我的上司。
大家以為，這種大業主，一定是很想樓價升，對嗎？否也！那天同他食午飯吹水，他竟然說了一句﹕「我都想樓價跌幾成！」
「，」我吃了一驚﹕「點解？」
「反正我的物業都不做按揭，跌幾成有乜所謂？」他說﹕「但我看中了很多靚，它不跌下來，我邊夠錢買？」
所以有人說，並不是所有的業主，都想樓價升。正如我手上拿股票，有時也想股價跌，好讓自己入貨。
新樓舊樓 滿足不同需求
跟，我又同這位鍾姓大業主講起新樓，我說﹕「新樓最少貴三成，我寧願住大，住舊樓了。究竟誰人會買新樓呢？」
他說﹕「唔係，我兩個仔一定要住新樓，因為覺得住舊樓太老套，剩係個大堂，帶女仔回家都唔開胃啦！」我說﹕「你屋企幾千呎，個仔搬開住，住幾百呎新樓有乜所謂？雜物可以擺在大屋嘛。如果是一家四口住幾百呎新樓，我就寧願住大，住舊樓。」他笑笑說﹕「人人對生活要求不同，鹹魚青菜。」
由此可以見得，新樓和舊樓是不同的東西，也有不同的需求，政府只計算起了幾多樓，只計大數，卻不知樓宇質素的重要性，這是多麼的笨。
[周顯 投資二三事]
沒有留言:
發佈留言