中價股最難搞

【明報專訊】近來有好幾隻股票的老闆，都在同我談，究竟有什麼方法可以搞好他們的股價呢？這些上市公司，都有一些共同的特徵﹕二三十億元的市值，經營狀况良好，財政穩健，年賺數億元，看上來根本是十分美好。可是，我本人也問過很多行內朋友的意見，大家都認為，這些好公司是沒有得搞的。

一名朋友說得坦白﹕「咁大隻嘢，要把股價打上去，最少要幾億元，如果有人拿出幾億元，不如自己買隻殼，亂炒一通，好過炒別人的股票，為他人作嫁衣裳啦！」

實業股無人肯投資

至於這些股票，有沒有基金買呢？答案是﹕「10年前還有一些基金，是長線投資，專買這些實業股，現在香港活躍的，全都是對冲基金，大上大落，輸晒就走人，邊得閒慢慢去炒一隻實業股，炒足兩年才有回報呀？」

散戶呢？有沒有散戶買？答案是﹕「這些股票，市值不夠大，買幾百萬，都唔知沽幾耐至沽得出，如果要長期投資，不如去買藍籌股啦，駛鬼買呢啲咩。」

如果條條路都唔通，市盈率咁低，可唔可以私有化佢呀？答案是﹕幾百億市值就話值得私有化啫，二十億市值，隻殼都值6億，一私有化，即刻無咗隻殼，大拿拿唔見咗6億元，點有得搞呀？所以話，衣家個市場，只剩下幾百億市值或以上的，又或是全無價值的垃圾股，即最大的和最小的，才會有人肯去投資。

[周顯 投資二三事]

http://www.mpfinance.com/htm/finance/20160504/columnist/en30_en30.htm