中國難學美發展私人飛機市場

【明報專訊】由中國銀行分拆出來的中銀航空租賃（2588）是為航空公司提供租賃服務，上市已有一段時間的中國飛機租賃（1848），則是在中國內地和全球經營各種類型租賃、拆售、處分、回租飛機等行業，連李嘉誠也要投資買60架飛機來作租賃，可見出租飛機，已經成為了流行的生意。

說到私人飛機的出租業務，甚至很多上市公司都有沾手，記憶所及，例如珀麗酒店（1189）、蒙古能源（0276）等，都有出租飛機，不過這也不排除是燒香看和尚，一事兩勾當，其大股東也可以使用，一舉兩得。

成本高難排期 不如坐頭等機位

不過，日前跟一名大陸人談起私人飛機，他說﹕「好多朋友租了幾次，覺得太貴，都唔租啦！其實坐頭等又平又舒服，座位寬落得多，識坐梗係唔坐私人機啦！係啲坐得少嘅窮人，先至咁恨坐之嘛！」

我說﹕「我剩係睇報道，家陣私人飛機好難排到起飛時間，好唔方便，不如買張機票，還更快捷。」

大陸人說﹕「如果買，仲笨，一年經常出租給別人用，都要唔見千幾萬，如果租咁多出去，假期多人租，自己又無得用，不如唔買，租人哋嘅仲好。」

查實，香港和內地，暫時都不是私人飛機friendly的地方，成本實在太過高，根本划不來。美國現時連小型飛機在內，一共有20多萬架私人飛機，據說中國正打算在20年之內追上美國，製造出20多萬架私人飛機，不過如果維持成本咁貴，邊有20多萬個潛在買家？我看網上轉載，尊特拉華達家中可以泊三架飛機，其中一個位還可泊737咁大的中型機，中國有無咁多地去起咁多私人機場呀？

[周顯 投資二三事]

http://www.mpfinance.com/fin/columnist2.php?col=1463481127012&node=1464549831297&issue=20160530