新人買莊家股 被當做「人頭」

【明報專訊】那天，有某人在買某隻細價股，她慢慢的買，買了幾萬元，突然停了下來。

當我和她吃午飯時，她提起了這件事，我奇怪地問：「這隻股票的消息都好確實，為甚麼妳會停下來，不繼續買下去呢？」

她說：「我排低幾格，打算慢慢的買，它突然down晒牌，前面的買盤無哂，然後一下插晒比我，好似有心散貨咁，我好驚驚，咪唔敢買落去囉。」

我說：「妳買幾多先？」

她說：「咪幾十萬股，幾萬元囉。」

我問：「咁而家啲股價點吖，有沒有跌十幾個巴仙吖？」

她說：「無喎，反而升咗幾個巴仙添。」

我說：「我不排除莊家真的是想派貨給妳，但妳只買幾萬股，誘因似乎不大。妳知不知道莊家的運作情况？」

她說：「願聞其詳。」

我說：「通常，在大炒大鬧的大日子，莊家梗係親自出馬，自己動手揸鑊剷，但是在平常的日子，又沒有成交，又沒有升跌，則多半只是找手下出馬，日日打下乒乓球，至於隻股票幾時炒，點做法，條𡃁係唔會知既，他只是做日常工作，打份工而已。」

她說：「咁又點？」

我說：「妳知啦，成日做成交，左手交右手，都係嗰幾十個人頭轉來轉去，好敏感家嘛，難得有個新人加入，咪畀妳買下，當妳係人頭，至於妳是贏是輸，個打工仔根本不在乎，反正都係交數，就算畀妳贏了，又唔係自己付錢既。」

她說：「唉，股票這行業，真的很多學問！」

[周顯 投資二三事]

http://www.mpfinance.com/htm/finance/20160519/columnist/en30_en30.htm