香港建投既買之則安之

【明報專訊】我手頭有一隻股票香港建投（0687），正在慢慢吸納，還未買齊貨，數量不多，不久傳出海航買殼，宣布供股，供股價是4.08元，比現時股價溢價了十多個巴仙，本來以為一定供乾。不過，近日海航醜聞纏身，前途未卜，連帶股票也受累了。然而，我還是採用既買之，則安之的策略，不買也不賣，看定形勢再說。

那天同一名年輕朋友講起C.I.，即Certificate of Identity，他居然沒有聽過這種文件，我驚奇地問：「吓！乜你咁都唔知呀？在港英政府年代，好似我這種在香港出生的高貴血統人士，先至可以攞護照，如果是在大陸出生，就只能拿C.I.。」

受累海航醜聞 看定形勢再議

他奇怪地問：「吓！乜有咁嘅事？」

我說：「對呀！如果是像出生於湖北省武漢市的梁天琦，廣東省深圳市的羅冠聰，廣東省潮州市的鄭錦滿，這些大陸厘，在港英年代，只能拿C.I.。基本上，去邊度都要拿簽證，直至1997年後，大陸出生的香港人才可以拿特區護照。」

他說：「聽你講嘢！你都好racism噃！」

我說：「在1997年前，我在某暢銷報寫專欄，已經講明了，最好港英繼續統治，永不回歸啦！」

他說：「咁你𠵱家又咁憎港獨？」

我笑笑說：「你睇𠵱家搞港獨嘅，十居其七八都有大陸背景，就好似希特拉，自己有八分之一猶太血統，就來反猶，又好似大日本帝國時期的朝鮮兵，特別種族歧視，我呢啲高級純正血統嘅香港人，梗係睇唔順眼。兩害取其輕，畀班大陸厘去搞港獨，我寧願繼續畀大陸統治好過嘞！」

小朋友忍不住笑說：「你講嘢虛虛實實咁，有時都唔知講真定講笑。」

我說：「有時連我自己都唔知，我係個第一流的創作人，講嘢效果、點擊率第一，立場只排第十。」

[周顯 投資二三事]

http://www.mpfinance.com/fin/columnist2.php?col=1463481127012&node=1493664587899&issue=20170502