「大陸人頭」將成歷史

【明報專訊】近來笑爆嘴的一單故事，是討論區有人寫道，他已經正式寫信給證監會，投訴李小加發放深港通的假消息，如果真有其事，那就非常好笑了。

講起證監，話說近日中港證監合作，大力打擊跨境炒股，在不久的將來，中證監將會幫港證監忙，在內地捉人問話，在以後，再也沒有大陸人頭這支歌仔唱了。

我說﹕「這是好事呀，反正我都無大陸朋友，也沒有大陸人頭，本土莊家、本土人頭炒本土細價股，才是正式的本土派呢！」

有一個朋友是細價股大莊家，有一天，他和一些中學同學敍舊，其中一個老同學不停地呻，說近來工作很不如意，諸如此類。

不少港人仍活在20年前

他當然很低調，不敢吹自己近來撈得好掂，但又好想幫這位老同學，反正自己十間八間上市公司在手，要幫一個人，易如反掌啦！於是，他便問對方﹕「你有乜嘢特長，想做啲乜嘢工呀？」

誰知那位同學答﹕「我都唔知識啲乜，都唔知做啲乜嘢好，我識得啲嘢都舊晒！」

這位大莊家同我呻﹕「都任你開任你講啦！你都唔知開乜？你話雖然唔識啲新嘢，但係想學肯學咪得囉！呢啲朋友，真係無得救，無得幫！」

我說﹕「香港人係咁，我去食餐飯，叫伙記介紹有乜拿手菜，十個有八個都介紹唔出啦！仲西面𠻹！家陣啲香港人仲係活喺20年前，以為自己最勁，實際上係糞坑關刀，文又唔得，武又唔得，都唔知點！」

[周顯 投資二三事]

http://www.mpfinance.com/fin/columnist2.php?col=1463481127012&node=1480359658093&issue=20161129