說花錢

高登討論區有一個post問﹕「足球員月薪過千萬港幣，啲錢係點樣使法？一個月買一間豪宅，踢十年有百幾項豪宅、船、飛機？」

有的答案是﹕「你買幾千蚊玩具，佢咪買幾百萬玩具，你住400尺，佢咪佢4000尺，再加一千尺花園，有個泳池，水邊小屋。咁大地方，要人打理，呢樣你阿媽做，佢請一堆工人做。你買一手騰訊，佢買100手騰訊，大市跌，佢一樣係蝕入肉。你零存整付，佢都係咁做，不過你3000，佢30萬囉。」

另一個答案則是﹕「樓主有冇乜興趣，如果玩到極致級，會洗幾千萬，仲要係無底深淵。 即係比如音響，車，錶，相機果啲咁。」「養私人飛機, 遊艇好貴。」「養遊艇有限錢，飛機就真係無底洞。」

其實，要使錢，好容易啫，根據《The Hollywood Reporter》報導，Johnny Depp瀕臨破產，因他每月花費超過200萬美金，包括花7,500萬美金買下14棟豪宅，用1,000萬美金買下一艘豪華遊艇，每個月更要花35萬美金作遊艇保養，另外每月花3萬美金買酒飲，以及大買藝術品，單單三幅由已故阿根廷畫家Leonor Fini繪畫的真跡，已要24.5萬和32萬，40位保鑣年支出是花360萬付給40位保鑣，還有676萬給前妻Amber Heard的贍養費。

以上這些支出，還未包括溝女，也許因為他太靚仔，溝女不用錢的關係。雖然，贍養費也算是溝女開支的一種，不過，老婆呀，女朋友呀，開支可以是無限，先不去計。單算嫖妓，最高級的，一個十萬八萬，以下是以港元算，一晚玩幾P，又或者是二三十萬包月，一包包幾個，一年千零萬，很平常。

如果是明星呀，又或者是溝高級model呀，成本一個可能要幾百萬元，一個Birkin都十幾萬，手錶或汽車都幾十萬，付首期就要幾百萬了。不過這些高價貨色，沒有人日日換畫，一年幾個，都是二三千萬元，便可以搞掂了。

吸毒好像不太貴，不過你請好多人開party，吸最高級的，一次都可以花位數字，一年吸一千萬元以上，甚至更多，都是閒閒地。

買衣服不用花太多錢，但是一套bespoke西裝幾十萬元起跳，如用用vicuna料子，就要幾十萬元了，fur百幾萬元一件都有，一對鞋子都要幾萬元。男人通常一季買百零萬元，已經很好了，但女人則隨時買幾百萬，一年就是過千萬了。女人買手袋，當然花費更大，一年過diamond birkin兩百萬元港紙，講到錶，有位上市公司主席說過，買太貴的錶不實際，百零萬一隻就剛剛好了。不過，手錶要價值幾百萬元的，才算是高級。

講到車，幾百萬一台只是給普通人開，限量版的全都過千萬元以上，Bugatti都要兩千幾萬。

至於船，高登仔說「養遊艇有限錢」就錯了，首先，玻璃纖維造的就不入流，入門是鐵船，貴幾倍，油錢也貴幾倍。鐵船當中，以Lurssen品牌最高級，幾億元至幾十億元都有。養一條船，要養十幾個至廿幾個crew，一般富豪除了在自家有船之外，在地中海也養一條，美國人則在加勒比海也有。

最後說到飛機，我有一個朋友的女友，取了某位有名的香港富豪﹕「He doesn’have a decent jet。」能夠直飛到紐約的Gulgstream 550起碼啦，不過香港養飛機特別貴，外國可以平好多。香港某位大亨徐京華最牛，有幾架波音737，入便有睡房，會議室，飯廳，浴室，電影院，可惜這位大亨已然身陷內地，it is history。

http://www.winmoney.hk/famous/%E3%80%90%E8%82%89%E9%A3%9F%E9%87%91%E8%9E%8D%E5%9C%88%E3%80%91%E8%AA%AA%E8%8A%B1%E9%8C%A2%EF%BC%88%E5%91%A8%E9%A1%AF%EF%BC%89%EF%BC%88%E7%AC%AC162%E6%9C%9F%EF%BC%89/