【明報專訊】近日收到最多的股壇人士八卦消息，當然是某位股壇紅人被人戳背脊，去信證監會舉報的事啦。要知道證監欲得此人久矣，究竟戳背脊的神秘人士掌握了多少證據，會否把股壇紅人一戳而死，也實在是股壇人人關心的事。話說本欄有好幾次都寫了某君，有人向我吐苦水說，你同我咁熟，人哋以為係我供料給你，賴晒在我身上，好無辜啊。我回答說：「你要我寫某人就話難啫，要我收口，容乜易？你科廿皮畀我，我即刻停寫。」
員工減薪搬總部 可倍增人手
這位仁兄真搞笑，居然拿了張廿蚊紙出來，我說：「你估我係廿蚊張？是大皮，唔係細皮呀！」
他說：「喂，你咁寫人，唔怕人斬你咩？」
我說：「我又怕，又要寫，不過我怕好多人斬，就係偏偏唔怕佢，因為佢好孤寒，肯定唔捨得畀錢，我相信佢唔會出錢劈我。我就唔同呢，雖然窮，但係膽大包天，你打我一鑊，我肯定揼一百幾十萬出來，乜都做得出，你睇我寫嘢鬧人，邊個權貴都唔怕，兜口兜面，唔怕畀人告誹謗，就知我是個窮凶極惡的悍匪啦。」
話說年中到任的證監會法規執行部執行董事魏建新說會成立專責調查小組，重點處理「具影響力的個案」。
加強執法當然是好事啦，但證監會平均年薪130萬元，而執法成本也是所有執法機構的幾倍，如果它可以大事擴張人手，可又是大發其財的好機會呢！我認為減一半人工，多請一倍人手，平均年薪也有65萬元，比市場價格高出很多了，如果搬離長江中心，去上環的二線office，還可以又多請一倍人手，到時用咁多人手，點捉賊都得，香港的股市就天下太平了！
[周顯 投資二三事]
http://www.mpfinance.com/fin/columnist2.php?col=1463481127012&node=1476211622459&issue=20161012
沒有留言:
發佈留言