由弱勢小數黨組成的聯合政府

有個朋友想買一台法拉利，不過女友反對，他從政治的觀點去看，對我說﹕「當國家發生了極大爭議，無法解決，我只有宣佈解散議會，另組由幾個小數黨派組成的聯合國會，沒有了多數派，就是一個弱勢議會，以後我的命令將會易於推行好多。」

這位仁兄，又後生又疊水又闊佬，當然有條件這樣做啦，正是女死女還在，飛咗家陣呢件，要另外找十個八個補上，是易如反掌的事，要由好多女組成一個弱勢議會，有何難哉？

這正如前幾天，我吹水時說起了兩性關係，我說﹕「世界上有三種情況，是你死我活，殘忍不堪，絕對不能對敵人姑息的，第一是政治鬥爭，第二是商場和金融市場上的金錢關係，第三則是男女關係。」

或曰﹕「車，好多種關係都係你死我活架啦，戰爭、比賽都是這樣啦。」

答曰﹕「但是戰爭和比賽，是敵人就是敵人，關係不會轉變，但是政治、經濟、男女，今天是盟友，明天卻可以忽然變成了敵人，後天卻又可以變回朋友，這才是最難以捉摸的。」

再曰﹕「你講咁多，其實即係有錢同靚仔大晒啦！」

我說﹕「女人咪係一樣，靚女也是惡晒，世界就是這麼殘酷的，好似我同你咁既款，呢幾十年來，溝女畀盡幾多loading，大家心照啦！」    

所以呢，從道德的角度去看，那位朋友要解散強勢議會，都係無可厚非既，鬼叫家陣佢條件好，梗係有話事權啦。果D無條件的港仔，就畀港女玩到謝，世界就係咁殘酷架啦。」

今日暫時沒有股票推介，下期再講。

http://www.orangenews.hk/finance/system/2015/06/01/010014439.shtml