熱炒股綑綁傳銷 有包輸條款

【明報專訊】那天同朋友講起一隻熱炒、暴跌的股票，我說﹕「它都可以頂到7月尾8月頭嘅，因為它的傳銷綑綁貨，要到8月才到期，所以它一定會趁這一個月，盡最後努力，炒多一轉，殺多一筆。話唔定可以博反彈，執番三幾萬元使下。」

朋友說﹕「唔係噃，有啲三個月期嘅綑綁傳銷，好似今個月底就到期了。」

我說﹕「唔係咁大鑊呀嘛，好彩我無貨啫。」

朋友說﹕「我都無，不過好多friends都有貨。」

我說﹕「放心，這些綑綁傳銷都有包輸條款，我相信個莊贏咗咁多錢，都會賠足嘅。」

爛佬怕傳媒 筆比槍有力

至於這隻股票究竟是什麼，我當然不能說了。話說有個friend，寫咗呢隻股票嘅衰嘢，被人兇咗兩句，好驚被劈，同我訴苦。

我笑說﹕「你係我的朋友，我梗攬你，如果你被劈，我保證他永無寧日啦。你要知道，從來好佬怕爛佬，爛佬怕傳媒，我相信嗰條友驚你多過你驚佢啦。」

其實，講到識黑社會，我都算識好多，而且粒粒都係天皇巨星，但我從來不會同他們合作，最多只是打打牌，贏下佢哋錢。有麻煩，我就去找警察，要不就去找律師，告到他們甩褲，何必找黑社會呢？其實，我不去找別人的麻煩，他們已經偷笑了，幾時輪到他們找我的麻煩呢？

簡單講一句，我覺得自己仲惡過黑社會，所以我也永不會去求助黑社會，黑社會向我求助還差不多。這叫做﹕「筆比槍更有力！」

[周顯 投資二三事]

http://www.mpfinance.com/htm/finance/20150622/columnist/en30_en30.htm