沙士重臨有否影響？

新沙士來勢洶洶，究竟對香港的投資氣候，會有多大的影響呢？以下是一個相關的故事，可以參照。

我有個朋友，成日都想買樓。當這個新沙士來臨，她每天求神拜佛，希望沙士快點降臨她所居住的大型屋苑，令樓價暴跌，讓她可以平價買到心愛的居所。誰知，她在網上討論區看到，有屋苑的放售業主說，就算沙士重臨，也絕對不會平售，因為經過上次經驗，沙士都唔係好可怕啫，完咗之後，樓價重勁升呢！
朋友聽完後成個人都灰晒，我也從這個故事中聽到民意：新沙士有乜好驚啫！
前幾日，在一位上市公司主席的房間，聽到了一隻股票貼士：「中能控股」(228)，他說是明醒我的。我為了在老闆的面前表示豪氣，像孫柏文兄的口頭禪般，當場不問價掃了一球。
回家一看資料，吓，它不就是以前的「漢堡龍蝦」，啲客觀條件好衰喎，我的心打了個突，心諗好彩買得唔多啫，否則唔知點算。點知斬吓眼，已經升咗一成，唔通真係咁猛鬼？

http://www.metrohk.com.hk/index.php?cmd=detail&id=281347