搞個投資會 每年收過百萬

【明報專訊】那天同司機閒聊，方知他是沈振盈大師的信徒，加入了沈大師的私人投資會，他說﹕「每年計落，穩定有錢賺架！」

我當然不敢問他，為什麼咁近城隍廟都唔求番支好籤，究竟點解不去問周顯大師，而去付錢問沈大師，因為我怕他這樣回答﹕「唓！周生你的貼士都唔準嘅，成日令人輸錢，我不如畀錢沈大師去賺好過。」

實情是，我的確從來不給股票貼士給司機，好像有史以來只給過一次，因為怕他輸錢。

我把這個故事說給一個很聰明的朋友P君聽，他說﹕「家陣其實每個股評人都有好幾百個fans，只要你們肯收費，一個收1萬元會費，一年閒閒地都有幾百萬收入。」

內地興起有組織群炒

我說﹕「幾百萬當然好吸引，但要給必贏貼士，好大壓力啫，人哋畀咗1萬銀貼士費，唔輸得架噃。」

P君說﹕「唉！我仲想幫你成立一個添。」

其實，我之所以不肯成立這個股票group，最大的原因，是因為想扮有型，一旦成立咗，好似好失氣勢咁。要知道，我哋呢啲偶像派，最重要係形象，賺錢反而是其次。

後來我看報紙，發現原來這種成員幾百人的炒股group，在內地十分盛行，好似一齊做莊咁，一班人就炒起一隻股票，唔怪得大陸人炒股票咁有實力啦，原來有這些秘密團體在運作。

[周顯 投資二三事]

http://www.mpfinance.com/htm/finance/20150408/columnist/en30_en30.htm