前兩天，某位老闆來電，問我現時的殼價。我回答說﹕「某位殼王剛剛賣了一隻，五億一。」
「吓，乜咁貴？」他吃驚。
「我講兩件事過你聽。」我說：「第一件，某位朋友同我講過，而家一隻殼賣5億，論性價比，平過10年前賣6千萬一隻。因為而家亂炒，在市場賣到的股票，集到的資金，遠遠超過以前10倍，所以，殼價貴返10倍，也是很正常的事。」
我接下去說：「第二，你知而家A股殼幾錢一隻嗎？」
他說：「十億一隻囉。」
「是十幾億一隻先啱。」我說：「港股可以發新股集資，又沒有除牌機制，炒股票又不用升停板，而且仲可以走資到香港添，但殼價只有A股殼的三成，再加埋就嚟有滬港通，你話啲大陸佬點會唔飛撲過來香港買殼吖？」
「我啱啱仲同人講，三四億一隻添，唔怪得嗰個人即刻Show fund proof，馬上要落訂買啦。」他說﹕「如果一隻殼賣到五億一，我手頭嗰幾隻都想賣埋呀。」
「就係因為你們這些港殼老闆大量出貨，先至壓住個價在五億，如果沒有沽家，殼價炒到二十億元一隻都得呀！」
http://www.metrohk.com.hk/index.php?cmd=detail&id=252471
沒有留言:
發佈留言