股災時仍供股

上星期發生股災那幾天，我當然嚇到標尿，但是在標尿之餘，還不忘付錢供股，此股究竟是甚麼？「錦興集團」(275)是也。我在幾個月前曾推介此股，自己也買過這股票，理由是它實在太抵買，市值十億不到，NAV有50億，點秤都係超值，誰知炒了一轉，股價突然向下，短炒雖然小賺，但賺不了大錢，我也覺得不爽。

原來，它在低價派了一手之後，目的是供股。這次在股災之時，以大比例、無折讓方式，去實行供股，肯定會供到乾晒，這是絕對沒有懸念的。我的一位炒股菁英朋友，揸了幾百萬，已經供了股。另外一位朋友則分析說：「當股災完結之後，齊飛(按：即是已經榨乾晒)的股票會先炒，因為唔使額外做嘢，即刻可以開鑊起餸吖嘛。」
對於呢隻股票，我都唔係好奢望，只係希望它升回NAV，即係升幾倍，幫補返之前輸嗰啲，咁都得啩？不過當然了，都要等到個市喘定返，隻嘢先至會升㗎！

http://www.metrohk.com.hk/index.php?cmd=detail&id=284261