唔係捉賊就大晒

【明報專訊】話說證監有鑑於創業板新股上市全配售「乾挾」，一升幾十倍，現在幾乎凡是新股創業板，都會要求加入10%的公開認購，這一點，很多莊家反對，但我卻認為比較公平。

不過，我一如既往地認為，如果證監有此要求，咪公開講明囉，現在又要它自己話晒事，偶有一隻半隻漏網之魚，忽然又可以全配售，其他人又唔得，咁真係好唔公平喎。

披露為本是基本要求

這就是我們一直以來要求的，披露為本，合法就要批，一視同仁，不是證監獨裁，見到大孖沙就乜都得，見到樣衰的，就諸多阻攔，的入後巷打兩槌先。不過好多無知市民都不明白這概念，以為捉賊就乜都得，但這其實只是要求很基本的法治，法例面前人人平等，披露為本就是無罪推定，監管機構不能隻手遮天，拉疑犯入雜差房，48小時之內，就要落案，或放人，監管機構也不能Q來Q去，問幾十日都未問完，雖然無證據證明你犯法，但係就硬係唔畀你通過，吹咩？

記得在半年前，本人曾經在本欄預測過特首選舉，如果大家記得當時的說法是：

第一，你哋話ABC吖嘛，𠵱家咪聽你話，唔要CY，畀個anybody你哋囉，你哋唔要就係反口㗎啦。

第二，當anybody出現之後，you will miss CY。

在一份免費報章，我也預測過：

第一，中央絕對不希望曾俊華入閘。

第二，中央希望提名超過601票，用提名來綑綁選委，這叫做「提名解決」。

由此可見，我對於特首選舉的分析，應該是全港最準確，原因很簡單，我讀歷史，很熟悉共產黨，又是政治學大師，好多學生都付錢交學費，報讀我的「政治密碼」課程呢！

[周顯 投資二三事]

http://www.mpfinance.com/fin/columnist2.php?col=1463481127012&node=1487875408032&issue=20170224