與大升股敦沛 摩肩而過

有一隻股票，近日大升特升，但我並沒有買，可說是十分後悔，這就是敦沛金融(0812)。

話說我有一位弟腳，是個很有實力的礦業商人，認為現時是銅業有史以來的最低點，今日大量入貨，過幾年便會發大達，所以很想買一隻殼，去作注資，以作未來發大財的旗艦。

於是，我找了朋友，去為他找了一隻殼，就是敦沛金融。中間人的說法是﹕「這隻殼已經有了買家，但你如果出高價，我都可以轉賣給你。」

這單「刁」結果沒有談成，但是當時的我竟然沒有買番一百幾十萬，作為傍身，實在是非常非常的後悔。但話說回來，誰能想得到它竟然會賣給西南證券咁勁的買家呢！

政改方案料超寬鬆

然後，在日前，我致電給中間人，質問他﹕「賣給西南證券，咁都唔早講給我聽。」

「單未完成架，可能到最後，賣畀第二間都未定呢！」朋友施施然地說﹕「乜你覺得西南證券好勁咩？」

「幾百億公司，咁都叫唔勁？」我說。

「哈哈，總之家是坐梗西南證券，仲有可能是更勁的買家。」他說﹕「你放長雙眼去睇啦。」

近日最熱門的政治新聞，莫過於中央推出白皮書。那天同朋友講起，我說，我可以同你打賭十萬元，政改方案會寬鬆到令你難以置信。至於原因？我說﹕「，家都講到明，中央政府擁有管治權，就算畀你無篩選特首，都係中央的手下，驚你會飛咩！」風水佬呃你十年八年，我周顯大師作出的政治預測，不敢說全中，但比我的股票預測好得多，所以我當日才會錯失了敦沛金融這隻大升的股票！