細價股輸完再賭過

有人問我對個市點睇，我說，指數上也上不去，跌又跌不下，已經很多很多個月，將來多半還會繼續拉鋸下去。至於細價股，其亂炒的時間，已經有一年，超過了任何的往績。問題在於，現時未炒過的細價股愈來愈少，絕大部分都好貴，只要有一隻爆煲就會影響到整個市場的氣氛。

但是反過來說，細價股不管怎樣爆煲，都死不了人，因為參與者的數目有限，也很少人用全副身家來炒細價股，所以，只要指數不大跌，單單個別細價股爆煲，一頭半個月之後，輸完又來賭過，又會慢慢復蘇了。

近來流行「必要的沉默」這句話，令我忽然想起香港流行的一句話﹕「唔使講！」

北上傾生意 老闆一句「唔使講」打沉

「唔使講」這一句話，大概是來自﹕「大家兄弟心照，唔使講！」不用說話已經能代表雙方的感情，這是多麼感動的豪語。然而，在蒲界之中，這句話卻常常被濫用。

記得十幾年前，我在蕭若元的「天網」，即今日的「路易十三集團」(0577)當執行董事，一次公司飲宴，另一位咁高咁大的公司高層喝醉了，搭我的肩頭說﹕「大家唔使講！」我心想﹕「乜我好熟咩？」

幾個月前，我同一個財技高手走到廣州的南海，見一家上市了沒多久的公司老闆，希望傾生意。晨早流流坐直通車，再轉車，坐了4個幾小時，再吃了兩個小時的飯(幾十的那一種，聽了一場悶到爆的presentation，這時老闆已經醉了，死抱我的財技高手朋友說﹕「大家唔使講！」生意當然傾不成了。

我的朋友後來說﹕「來回花了十多個小時，就是想同你講，現在你居然話唔使講，咁你想點先？」