未上神枱的股壇奇人

【明報專訊】日前，去了華匯中心地庫的餐廳吹水，這本來是「中南網絡」莊友堅的私人飯堂，員工免費任飲任食，近來「普渡眾生」，搬了到地庫，以蝕本價收費。我吃了一件牛角包，有點兒驚訝：乜咁好食嘅？至低限度，肯定在Pret-a-Manger之上了。

決定改天來午飯，試一試狀况，可惜午飯食物種類不多，就算好吃，也無法常來。同梅偉琛講電話，他說華匯中心的西餐廳Le Bec Fin和日本餐廳工川的水準也很高，好，一於試勻晒先！

地庫餐廳旁邊還有一家小店面，一問之下，原來給兒童免費來看書，樓上還有一些店舖是做兒童教育和學習，廉租給經營者。

當今股壇 公認莊友堅最叻

我笑說：「原來中南網絡還兼營社企業務，怪不得日前捐了500萬元給仁愛堂，作為老人家驗眼及膳食用途啦。」

朋友說：「其實他成日做善事，不過你唔知啫！」

我說：「我剩係知佢喺澳洲隻馬夏日通道是馬王，𠵱家身價已經升了幾十倍，買馬居然可以贏錢，他都算是奇葩了。」

朋友說：「乜你都識馬嘅咩？」

我說：「我就不識馬，不過我哥哥是賭馬專家，偶然都會同我灌輸吓。」

話時話，現時股壇當中，不算李嘉誠和劉鑾雄這些上了神枱的，最叻的一位都應該公認是莊友堅了。至於他點叻法，有機會再同大家講吧！

[周顯 投資二三事]

https://www.mpfinance.com/fin/columnist2.php?col=1463481127012&node=1552591810947&issue=20190315