溝女的軟實力

那天同一位很聰明的朋友，講起「軟實力」這個政治學概念。

很聰明的朋友用了一個例子：年前港女Tiffany關x敏在蘭桂芳即場把新加坡籍的男人甩掉，改與「洋腸」David Campbell上床玩一夜情，還給拍下了照片，來作為說明：「嗱，呢啲鬼佬，在外國可能不過是cheap到痺的勞動階層，在香港住這些臭崩崩的賓館，對著港女，照樣遇敵殺敵，港女即場除褲，無法抵擋。不但在香港係咁，鬼佬橫掃整個亞洲，都係有殺無賠，呢啲咁，就係國家的軟實力嘞。」

另一位朋友問：「甚麼是有殺無賠？」

我說：「咁你都唔知，咪即係齋上女唔使溝又唔使畀錢囉。」

聰明的朋友補充說：「你睇啲強國人，個個擺出來個款都咁嘅樣，要溝女，唔係溝唔到，不過要加loading囉。香港人使10萬溝到嘅女，強國人要使50萬，呢啲就係無軟實力嘞。」

我想了一想，問：「那麼，如果有朝一日，中國人好威，去外國溝女，一講我是Chinese，鬼妹即刻投懷送抱，這是不是代表了，中國便很有軟實力了？」

聰明的朋友說：「仲使講！如果認中國人，可以到處都溝到女，仲有人搞港獨？個個都搶住認自己係中國人啦！而家之所以啲香港人唔認自己係中國人，之唔係因為做中國人溝女，要加loading之嘛！」

最後，要一提明天的心水號碼，又是「國藝娛樂」（8228）。這股票在我推介之後，一直在升，走勢看俏，所以我相信，這個升勢將會在過年之後，持續下去，很可能會開一個大紅盤。恭喜發財！

http://nextplus.nextmedia.com/columns/%E8%82%89%E9%A3%9F%E4%B8%AD%E7%92%B0/20150223/157634