【明報專訊】真人真事一則——話說不久之前，有一隻新股上市，在上市當天便升了幾成，結果呢，根據那名莊家透露，在當天的10時45分，已經把股票全部沽出了。根據他的說法﹕「現在全是市場力量。」
為什麼市場力量這麼巨大呢？答案是﹕Dai Lu Lu，即「大陸佬」。原來所有的股票，都已經給大陸莊家買光了，於是乎，在香港莊家賣光了股票之後，由Dai Lu Lu繼續接力，把股價炒上去，而且是長升長有的那一種。
簡單點說，這些Dai Lu Lu是用貴了幾成的價格，買下了全部的流通股票，相等於「搶了個莊來做」，而且還不同原來的莊家打招呼，全部「市場解決」，大家也互不認識。
大陸人多門路 炒幾倍無難度
我同那名香港莊家說﹕「你都算無用了，人哋Dai Lu Lu做莊，一做便升幾倍，你升幾成就散水走人。」
他說﹕「人哋大陸人，有大陸客、大陸魚，好似魚食魚糧咁搶股票，股價梗係升得高，我香港人，叫來叫去，都是叫香港人炒股票，升幾成，算係好威架啦。」
我說﹕「如果我係你，手上一定留番一手股票，等個大陸佬炒高幾倍之後，一次過炸落去，贏番一兩千萬都好。」
他說﹕「第一，出嚟行，唔好做到咁絕，人哋同我接貨，都係畀面啫，寧願他在這一次賺了錢，下次再來幫襯，長做長有，貨如輪轉，咁咪仲好！」
[周顯 投資二三事]
沒有留言:
發佈留言