【明報專訊】近來聽過最好的搵錢橋段，就是日前同某位富二代吃晚飯，他有經營房地產、酒店、餐廳、養老院等等生意，計落都有七、八百億元資產。他說，現在很多老人家都住在養和醫院，貪方便，body check幾時都得，都係十幾萬一個月啫！再講，養和醫院的飯餸出名好食，我有時都去買外賣，住院仲有24小時room service𠻹！
入住不但要有錢還要有面
當然了，養和醫院住間長房，錢不是問題，反而是要有面，先至可以book到房，幸好𠵱家大陸人少咗很多，相信租房也比較容易。我馬上說，用醫院來做養老院，好主意喎！不如你都搞番間，肯定有錢賺。過幾年，話唔定我都要幫襯。
他苦笑說，我都想，你估咁易攞到醫院牌咩！恒基就有仁安醫院，新世界也有南朗醫院，後者靚到無倫，房間早已爆滿晒啦！
我心想，港中醫院已經無營業，不知現在個牌是否還在呢？我認識很多朋友都幫襯這家醫院，根據《維基百科》﹕「由於找不到其他地方，已於同年9月3日結業，是香港首家結業的私營醫院。結業前港中醫院每年處理香港六成的合法墮胎個案。
《維基百科》又說﹕「港中醫院成立於1966年，是香港一家已結業的非牟利私家醫院，由一批醫生以基金形式運作。」其中一個醫生老闆，就是黃霑遺孀陳惠敏的父親。黃霑娶了一個比他年輕二、三十年的富二代，而且又聽話又愛他，真是一時佳話。才子的確了得，只可惜英年早逝，令人惋惜。
[周顯 投資二三事]
https://www.mpfinance.com/fin/columnist2.php?col=1463481127012&node=1602185079286&issue=20201009
沒有留言:
發佈留言