做莊需大量信得過「人頭」

【明報專訊】某朋友講了某位大孖沙的一個超級財技故事。

話說這位大孖沙搞一隻新股上市，至於基礎投資者，粒粒天王巨星，都是大孖沙的親信心腹，絕對不會「棟」他們。前景咁美好，市場梗係瘋狂咁去抽啦……結果一上市，股價跌一半，輸到所有人啪啪聲。

於是，大家梗係媽叉個大孖沙，無理由做芝加哥殺手，專殺自己友，實在太過無道義了！他如何向鄉親父老交代，咁無信用，以後又點做嘢呀？

兩年後，謎底揭開了。
大孖沙把這隻股票私有化，買了的基金，連本帶利都可收回，當然利潤不多啦，不過算做有利潤，都可以交代，不用炒魷了。然而，也不用說的，估計在私有化之前，友好們都已收到風，大家齊齊買，私人荷包賺到了笑了。

朋友讚嘆說，這位大孖沙的財技，當真是出神入化。我說，其實所有這些財技，最重要的，是大量信得過的人，像以前的創業板新股全配售，隻隻挾高幾十倍，好似好容易，但其實要「培訓」出300個人頭，個個賺幾十倍都唔沽，是多麼困難的事，要用多少時間建立互信，方才可以做得到呢。

最後，大家不妨猜猜，這位大孖沙是誰，這隻又是甚麼股票呢？

[周顯 投資二三事]

https://www.mpfinance.com/fin/columnist2.php?col=1463481127012&node=1565808207520&issue=20190815