炒road show股穩陣

【明報專訊】今天晚上，揚科集團(8140)有一個投資者推介會，很多朋友都被邀請參加了，據說是一場非常豐盛的晚飯宴會，總之是有表演、有美食、還有很多美女參加，衣香鬢影，星光熠熠的那種啦。

我打電話給我的課程經理人Phemey，問他赴不赴會，他回問說﹕「有無商機先？隻股票得唔得先？」

我笑笑說﹕「先唔講隻股票得唔得，不過投資推介會今晚舉行，如果你今朝早買貨，肯定比今晚聽到、明天入貨的股民，買早一日，佔左先機的着數。」

內地做road show效果最佳

他說﹕「咁又係。」

其實，炒投資推介會概念，是「炒road show」的一個變種。很多股票去外國去做road show，在這段期間，股價通常會做得好好睇睇，因為如果一邊做road show，股價一邊大跌，咁邊有人買，road show只會愈做愈衰，不如不做。

所以，通常一隻做緊road show的股票，都係一路做，一路慢慢咁升，以吸引人去買。其實，在香港做的road show，只是小兒科，上次我參加過一個，跟住嗰日，都係升咗一兩成之嘛，因為香港人炒股票是很保守的。如果是在大陸搞，D大陸佬係講乜都信嗰隻，台上嘉賓亂吹一通，星期一只要股價有異動(按﹕這些推介會通常安排在星期六)，大陸佬就會搏命去掃貨，驚死執輸，那些升一倍兩倍的股票，就是這樣炒起的。這就是「非理性亢奮」。

[周顯 投資二三事]

http://www.mpfinance.com/htm/finance/20150330/columnist/en30_en30.htm