Over-sale有助溝女有礙撇女

朋友請教我溝女之道，我說：「這是切不可教的一門秘藝，因為對社會的殺傷力實在太力了，有違天道。」

他說：「正是所謂的望、追、上、撇，最難的就是撇，你不教溝女，教撇女，總可以吧？」

我皺眉說：「撇女還不容易？你減少見她，然後說財政有問題，停止出糧，跟著天天溝女，夜夜笙歌，如果她還不走，便出絕招，說生了性病，叫她去檢驗，如果她還不走，你便出絕招，娶第二個做老婆，趕絕她的後路，保證斷尾。」

他苦著臉說：「咁絕，好難做得出架喎。」

我說：「咪湊係囉，你又要撇女，又要做好人，又要對方不去麻煩你，無手尾跟，好難家嘛。」

他說：「如果係你，你會點做？」

我說：「你應該在溝女的時候，已經預備定撇女，有晒後路，咁先至可以撇得瀟洒。」

他不明問：「咁即係點解？」

我說：「你哋呢D溝女精，溝女驚死溝唔到，乜嘢大話都講晒出來，又話自己係李嘉誠個私生子，又話自己會買樓畀條女，又話自己會同佢結婚，一日打幾十個電話，幾百條信息，情話講到盡，自己D架生出晒嚟，法拉利、山頂豪宅、百呎遊艇，件件都係攞你命三千，一旦上咗，就企圖趙完鬆，先前講過D全部唔算數，條女梗係唔放過你啦。」

他說：「然則應該點做？」

我說：「簡單點說，溝女和做推銷一樣，切忌over-sale，這雖然可以加強擊中的成功率，但卻會在成功之後，引來無數的麻煩，以後想撇也撇不成，非常麻煩。」

他說：「咁阿S仔呢？他咪又係亂吹一通，溝盡天下索女兼豬扒噃。」

我說：「S仔窮到燶，唔亂吹，就無女，梗係要推到盡、吹到爆啦，如果唔係，點有女埋身呀。女上咗身之後，睇到佢個情況，條女都揾掟走啦，根本唔使考慮撇女的問題。但你是有身份家嘛，咁梗係要用唔同手法啦。」

他點頭說：「你說得對。」

我說：「所以阿邊個阿邊個，間漾日居三千呎canon house都賣咗佢，拉利都賣埋，改搬去幾百呎studio蝸居，揸架細車仔，咪就係為咗怕咗D女上身囉。」

他很不安地問：「揸車仔，住蝸居，會唔會溝唔到女架？」

我說：「自己獨居新樓，有架車仔揸下，在香港地，好威架啦，又唔係阿伯，已經好多女埋身架啦，使乜驚！」

本星期的心水股票是「中國天溢」（756），祝大家好運！

http://nextplus.nextmedia.com/columns/%E8%82%89%E9%A3%9F%E4%B8%AD%E7%92%B0/20150323/172102