話說Nvidia（輝達，內地譯名英偉達）行政總裁黃仁勳，於5月30日在台北請吃飯，請了14位科技大佬，包括鴻海董事長劉揚偉、廣達董事長林百里，以及華碩董事長施崇棠等人，地點在磚窯餐廳，每席盛惠4563元新台幣。
有人說，黃仁勳已經有錢到咁，仲咁慳儉，全世界都一致讚賞。香港的湯文亮則說，黃仁勳不懂闊佬別人，孤寒自己。筆者認為，以上說法皆不中。話說黃仁勳去磚窯餐廳之前，在春韭私廚吃雞湯、銀絲卷，給了2.5萬台幣小費，點會孤寒？
證明自己識食兼夠威
正解是黃仁勳係要咁做，先至有型。我請你班大佬食鮑參翅肚有乜出奇？你哋有乜好嘢未食過？我請哋你去古早味傳統餐廳，一來證明我識食兼地道，二來你哋班友咪一樣要同我食？咁先至威吖嘛。
話說當年Facebook創辦人朱克伯格有一批期權（option）要認購，手上唔夠現金，來香港問某大小姐借錢。他坐私人飛機來，大小姐親自揸架Honda Jazz去機場接他，親自接不失尊重，Jazz仔則是挫折對方的銳氣，呢啲先至叫識玩！
沒有留言:
發佈留言