上期講到某朋友欠下貴利，想找黑社會「拆掂」此事，我忠告他萬萬不可。他退而求其次問：「你有無相熟警察，找他出來拆呢單嘢？」
條數話大唔大，話細唔細，債主也非善男信女，如果要拆掂此事，普通「散仔」當然無可能，最少都要警司級。
然而，這應該是違規，除非是好鐵的關係，否則無人敢孭呢隻鑊。再講，𠵱家唔係朋友，而係搭上搭，更加無可能。
我劈頭問第一句：「咁欠債還錢係應份，你有無錢還先？」
他肯定的說：「有錢還本兼少少利息，不過債主想屈我還貴利。」
叫對方去律師樓收錢
我說：「咁你先把錢交去律師樓，由律師樓出信，叫對方上來收錢，證明你係有錢還，如果對方不答應，還繼續發訊息騷擾你，恐嚇你，而且還屈錢，咁就構成犯罪證據，循正規手續報警都得。」
他問：「咁我識你有乜作用呀？」
我說：「第一，我教你做好人，不要同黑社會傾刁，以免蝕底。第二，如果你一切朝正當手續做，完全合情合理合法，不會違規，而且有晒法律文件證明，咁我託下關係，搵人幫你一把，都不是不可以的。」
周顯
沒有留言:
發佈留言