【明報專訊】昨天講起倫敦金和股票的synergy，其實從搞倫敦金而變成炒股高手，也大有人在，而且做做吓，因為炒股票太過成功，連倫敦金都放棄不做𠻹！
從肉食鏈的角度看，倫敦金是最低層，因為太多鑊氣，會招惹很多麻煩，高一層就是細價股，玩細價股發達的人，就去放貴利，支持新晉的細價股莊家，自己只賺利息，和提供基建服務，不用在前線劈來劈去，危險的事，留番勇猛的下一代去搏。
很多港老牌地產大亨 「做細價股」出身
至於到了最後，就梗係做地產發展啦！香港有幾多地產大亨，都是做細價股出身，不過在幾十年前，炒一隻股票的利潤，已經足夠買一幢大廈，現在炒股票的利潤，只夠買一間豪宅而已。
不過，你可能會說，有很多老牌地產大亨發迹的時候，都沒炒過細價股喎！在這裏，我又要講番，1970年代上市的很多股票，炒法同今日的細價股都沒有分別啦！再講，有人是搞外圍馬發達的，唔通會講畀人知咩！
最後當然不離我的口頭禪﹕有些搞地產的人看不起炒細價股的人，認為太cheap，我的回答是，好多炒地產嘅咪又係靠高官，搞掂上頭，唔通唔使出術咩？搞細價股不過是影響到爛賭的人啫，但地產商搞到貧無立錐，民不聊生喎，講到罪大惡極，炒細價股又點及得上他們呀！我試過，兜口兜面窒個富二代，都是先撩者賤啫，你睇我唔起，我咪窒到你飛起囉！
[周顯 投資二三事]
https://www.mpfinance.com/fin/columnist2.php?col=1463481127012&node=1533668124326&issue=20180808
沒有留言:
發佈留言